រឿងអត់ស្ដេចទី៧/០១.០២.០៣

រឿងទី០១.ចង់សងគុណម្ដាយ
ប្អូនប្រុសចង់ទៅលេងល្បែងកាស៊ីណូក៏បបួលបងស្រីនិងម្ដាយចាស់ទៅដែរ។
ម្ដាយមិនធ្លាប់ទៅលេងទេ ក៏គិតថាក្រែងមានលាភជ័យ ដោយកូនប្រុសស្រី
បបួលដូច្នោះ។យាយចាស់ក៏ឲ្យចៅស្រីទសទាយសន្លឹកបៀមើល តើ យាយ
មានសំណាងលាភជ័យឬទេ?។ចៅស្រីក៏យកបៀមកបើកទសទាយ​ហើយប្រាប់ថា
យាយឯងប្រាកដជាមានលាភធំ។យាយម្ដាយព្រមទាំងមាឮដូច្នោះក៏រៀបចំ
ខ្លួនទៅ។ទៅដល់កាស៊ីណូកូនក៏នាំគ្នាដូរកាក់ជូនម្ដាយមួយចំនួន សំរាប់
ដាក់ក្នុងម៉ាស៊ីន។កូនប្រុសក៏បង្រៀនម្ដាយឲ្យចេះដាក់កាក់ហើយទាញម៉ាស៊ីន
ផ្សងសំណាង ក្រែងត្រូវរង្វាន់បានលុយ។ម្ដាយដាក់កាក់ទាញៗៗ គ្មានសំណាង
ក៏ចាញ់អស់មួយពាន់ដុល្លាទៅ។ម្ដាយក៏ប្រាប់កូនប្រុសកូនស្រីថា អស់លុយ
ហើយកូនអើយគ្មានឈ្នះមួយកាក់សោះ។កូនប្រុសកូនស្រីក៏ពិគ្រោះគ្នាថា
«អាណិតម៉ែចាស់ណាស់ យើងចង់សងគុណម៉ែម្ដង គឺយើងនាំគ្នារកលុយឲ្យ
ម៉ែលេងទៀត។ដោយឮហោជាកូនជាក្មួយទសទាយថា មានសំណាងធំ
មានលាភជ័យ ក៏នាំគ្នាប្រថុយដូរលុយជូនម្ដាយចាស់លេងបន្តទៀតទៅ។
ពីរម៉ោងក្រោយមកក៏ចាញ់អស់កាក់មួយពាន់ដុល្លាទៀត។ម្ដាយចាស់គាត់
ស្ដាយលុយពេកក៏យំហ៊ូៗដៃអោបម៉ាស៊ីនជាប់។កូនទាំងពីរខ្មាស់គេហើយអាណិត
ម្ដាយផងក៏នាំគ្នាលួងម្ដាយថា«មិនអីទេម៉ែកុំស្ដាយ ចាំកូននាំគ្នាសន្សំលុយ
ដើម្បីទិញម៉ាស៊ីនមួយ ឲ្យដូចអាម៉ាស៊ីនក្នុងទីនេះ រួចហើយម៉ែឯងលេងតាម
ចិត្ត លេងឲ្យទាល់តែឈ្នះស្រង់ដើមវិញនោះអីម៉ែ!»៕

រឿងទី០២.ទាឈ្មោលប្រកាច់ក្នុងទឹក
ទាឈ្មោលដើរ ធ្លាក់ក្នុងអណ្ដូង វាខំបម្រាស់ឡើងទៅលើវិញតែមិនរួច ទោះ
ជាខំប្រឹងយ៉ាងណាក៏ដោយ។ម្ចាស់វាឃើញដូច្នោះក៏ស្រង់វាពីក្នុងអណ្ដូង
មក។រួចហើយក៏យកចំណីមកដាក់ឲ្យទាស៊ី ឯទាមិនស៊ីចំណីដែលម្ចាស់ដាក់ឲ្យ
ទេ បែរជារត់ទៅជាន់មេទៅវិញ។ម្ចាស់វាលាន់មាត់ថាៈ យ៊ីស!អញស្មានថាវា
ឈឺ ឃើញត្រដាបត្រដួសក្នុងអណ្ដូង ឥល៉ូវារត់ភឹល ឡើងពាក់មេៗព្រាតវើយ!៕

រឿងទី០៣.ប្រពន្ធដើមជេរប្រពន្ធចុង
ប្រពន្ធដើមខឹងនឹងប្ដីមានប្រពន្ធចុងតែមិនហ៊ានជេរ ក៏ទៅជេរបញ្ចោរ
ប្រពន្ធចុងថាៈ
..មីចោរមុខខ្លាញ់ងែងលួចប្ដីអញ។
..ប្រពន្ធចុងក៏តបថាៈ ប្ដីងែងវាឆ្ងាញ់បានជាអញលួចយក។
..ប្រពន្ធដើមក៏ជេរទៀតថាៈមីចោរមុខសេះ។
..ប្រពន្ធចុងតបថាៈមកពីងែងប្រហែសបានជាអញបេះយកវើយ៕

រឿងអត់ស្ដេចទី៦/១៩.២០.២១

រឿងទី១៩.អួតខ្លួនជាថៅកែ
មានបុរសខ្មែរម្នាក់គាត់ធ្វើការបោសជូតតាមបង្គន់និងតាមជណ្ដើរ យន្ត
ក្នុងសហគ្រាសបោសសំអាត។ដោយគាត់មិនចេះភាសាបារាំងហើយគ្មាន
ជំនាញវិជ្ជាដូចខ្មែរៗឯទៀតដច្នោះដែរ។ថ្ងៃមួយគាត់ត្រឡប់ទៅស្រុក
កំណើតវិញ ក៏ដើរនិយាយប្រាប់ញាតិមិត្តបងប្អូនថា ខ្ញុំធ្វើ ថៅកែជណ្ដើរ
យន្តនៅស្រុកបារាំងធ្វើការស្រួលណាស់គឺនៅចាំមើលតែជណ្ដើរ យន្ត
ប៉ុណ្ណោះ ដាច់ខែប្រាក់ចូលច្រើនណាស់។ធ្វើ ឲយបងប្អូនញាតិមិត្តជឿគាត់
ហើយសរសើរថាគាត់មានសមត្ថភាពក្លាយជាថៅកែ សូម្បីតែភាសាក៏មិន
ចេះផង។តាមពិតជាសហគ្រិនដែលទទួលការងារអន់ហើយប្រាក់ែខទៀតសោត
ក៏តិចបំផុត។នេះហើយជនអួតមិនចេះខ្មាស តាមពិតខ្ចីលុយគេមកលេង
ស្រុកកំណើតសោះ។ដេញតុងទីនពីរបីក្បាលងាប់ហើយមិនតង់សងគេផង៕

រឿងទី២០.សម្លម្ជូររាល់ថ្ងៃ តើ ម៉ែវាឯងលេបចូលទេ?
មហល្លកៈម្នាក់បានសួរប្រពន្ធគាត់ថា«ម៉ែវា សម្លម្ជូរាល់ថ្ងៃ តើ ឯងលេប
ចូលទេ? »ប្រពន្ធគាត់ក៏តបទៅវិញថា «អាណា៎លេបចូលច្រំដែលៗនោះ»។
ប្ដីក៏តបទៅវិញថា«ប្រាកដជាត្រូវហើយ ជាងបីទសវត្សមកហើយ ដែលខ្ញុំទ្រាំ
ម្ហូបម៉ែវាឯង ឥល៉ូវនេះខ្ញុំជ្រេញលេបមិនចូលទេ!»។ប្រពន្ធឮដូច្នោះក៏ស្រែក
ជេរតបថា«យ៉ាអាកញ្ចាស់ចង់ភ្លក់ពូថៅឆែបអ្ហី!»៕

រឿងទី២១.ហេតុអីបានជាបុរសចាស់ៗចង់បានប្រពន្ធក្មេង?
មហល្លកៈម្នាក់បានសាសងជាមួយប្រពន្ធរហូតអស់ពាក្យ ក៏ធ្លាក់ដល់
រឿងមួយ«ម៉ែវាឯងដឹងទេ! ហេតុអីបុរសចាស់ៗចង់បានប្រពន្ធក្មេងៗ?
បុរសចាស់ៗប៉ះស្រីក្មេង គឺមានកម្លាំងភឹល »។ចំណែកស្ត្រីចាស់ ស្បែក
ជ្រីវជ្រួញ ទៅប៉ះប្រុសក្មេង មិនកើត ទាល់តែសោះ តែហ៊ានប៉ះរបស់រឹង
ក្លាយជាទន់ដូចទៀនក្រមួនហាលថ្ងៃអីចឹង!​ ដូច្នេះហើយបានជាមិនសូវមាន
ប្រុសក្មេងយកប្រពន្ធចាស់នោះអី!»។ប្រពន្ធគាត់ក៏ចងកំហឹងស្រែកជេរថា
«យីស!អាកញ្ចាស់ ប្រាស់ងាប់ឲយបាត់ទៅ!កាន់ជើង តែប្រុសៗគ្នាវាហ្នឹង»៕

រឿងអត់ស្ដេចទី៦/១៦.១៧.១៨

រឿងទី៦/១៦.រកទិញក្រមួនលាបមាត់
មានខ្មែរម្នាក់រស់នៅប្រទេសបារាំង ។គាត់នាំកូនស្រីតូចអាយុប្រាំឆ្នាំទៅផ្សាររកទិញ
ក្រមួនលាបមាត់ ព្រោះអីបបូរមាត់ប្រេះឈាមឈឺពេក។ចូលដល់ក្នុងផ្សារក៏ឃើញបំពង់ក្រេម
លាបមាត់យ៉ាងច្រើន ។ គាត់មិនចេះអានភាសាបារាំងទេ គាត់បើកមើល ទៅឃើញ ពណ៌ស
គ្រប់បំពង់។ក៏សម្រេចចិត្តទិញមួយបំពង់ តែគាត់ចង់ចំណេញ ក៏ដកការេមមកលាបមាត់យ៉ាង
ក្រាស់ រួចហើយ ដាក់ចូលទៅវិញ ។ គាត់រើស យកបំពង់ថ្មីមួយទៀតទុកឲយគេគិតលុយ។
ដើរចុះដើរ ឡើង មួយសន្ទុះពួកបារាំងគេនាំគ្នាមើល មុខគាត់ព្រាត។គាត់ក៏សួរកូនថា កូនឯងមើល
មុខប៉ា វាយ៉ាងម៉េចបានជាបារាំងនាំគ្នាមើលប៉ាម៉្លេះ? កូនក៏ប្រាប់ថា អូ!បបូរមាត់ប៉ា
ឯងក្រហមឆេះ!។គាត់ក៏ទៅឆ្លុះកញ្ចក់មើល ក៏លាន់មាត់ថា ចុយ!អញ្ចឹងថាបានជាបារាំងនាំ
គ្នាមើលមុខអញព្រាត !។ ចង្រៃយ៎!ក្រមួនពណ៌សលាបទុកយូរទៅបែរជាក្រហមឆេះវើយ!៕

រឿងទី១៧.ចង់ឃើញឡានយូរ
នៅស្រុកឧត្ដមានជ័យជំនាន់សង្គមរាស្រ្តនិយមប្រជាជនមិនសូវបានឃើញឡានទេ។
បើមានឡានចូលភូមិម្ដងៗក្មេងៗនាំគ្នារត់តាមហិតផ្សែងឡានព្រោងព្រាត។មានក្មេង
ខ្លះខូចចង់ឲយឡានឈប់នៅជិតភូមិយូរ។ក៏នាំគ្នាជីកាត់ផ្លូវបង្អាក់ដំណើរ ឡាន។
ហើយខ្លះទៀតនាំគ្នាកាប់ដើមឈើឲយដួលកាត់ផ្លូវ ព្រោះចង់ឃើញសត្វចំឡែកឲយ
បានយូរ។មានកុមារម្នាក់នៅពេលដែលឡានដឹកឈើ ឈប់ក្នុងភូមិហើយអ្នកបើកបរឡាន
ឈប់ទទួលទានអាហារថ្ងៃត្រង់ វាកាច់ដើមកន្ទ្រង់បាយសរ យកទៅចាក់បន្ធូរកង់ឡាន។
ដល់ចាក់ទៅដើមកន្ទ្រង់បាយសរបាក់ជាប់ក៏ធូរកង់ក្រោយអស់។វាភ័យខ្លាំងពេកព្រោះ
ឮសូរខ្យល់ចេញខ្លាំង ក៏រត់ទៅពួនក្នុងព្រៃអស់មួយយប់ចាំឡានចេញទៅទើបវាហ៊ាន
ត្រឡប់មកផ្ទះវិញ។មានអីអ្នកបើកបរសប់កង់ឡានឡើងហបក។រួចក្មេងចាស់នាំគ្នាឆ្ងល់
ថា«យ៉ាស់អាសត្វស្ដីនេះ យកដែករុកច្រមុះ ក៏គ្រហឹមងឺរ.រ.រ»អស្ចារ្យណាស់វើយ!៕

រឿតទី១៨.ឈ្លោះគ្នាប្ដីប្រពន្ធ
មានខ្មែរពីនាក់ប្ដីប្រពន្ធក្រោពីដំណេកមក ក៏អង្គុយសាសងគ្នាពីរនាក់។អស់រឿងនិយាយ
គ្នា​ប្ដីនិយាយលេងថា«យាយប៊ិ បើ ខ្ញុំត្រូវឆ្នោតរង្វាន់ធំបានប្រាំលានអឺរ៉ូ ខ្ញុំឲយយាយ
ប៊ិឯងបីលានអឺរ៉ូ ហើយខ្ញុំយកតែពីរលានអឺរ៉ូទេទៅរកស៊ីនៅស្រុកខ្មែរ។មានអី ដូចដាស់ថ្នាំ
ដោយគាត់ចងកំហឹងនឹងបងថ្លៃប្រុស លែងបងស្រីគាត់ទៅយកប្រពន្ធក្មេងឯស្រុកខ្មែរ
ស្រាប់ផង ក៏ជេរប្ដីទាំងព្រឹកអស់ទំហឹងតែម្ដង«ខឹងគោវាយរទេះ គ្រាន់តែឧបមានិយាយលេង
ប្រពន្ធជេរចងកំហឹងមែនទែន!»នេះបើប្ដីត្រូវឆ្នោតបានលុយច្រើនទៅចោលមិននិយាយ
មួយម៉ាត់សោះ!មែនទេ!!៕